നീ

നീ ഒരു മഴയാണുയെങ്കിൽ
ഞാൻ ഒരു ഭൂമിയാണു
നിന്റെ മിഴികളിലെ
ഓരൊതുളളിയും
എന്റെ ഹ്രുദയത്തിലാണു
ശേഖരിക്കുന്നത്‌
നാളെ വറ്റിവരണ്ടു കിടക്കുന്ന
നിൻ ഹ്രുദയത്തിലേക്ക്‌
ഒരു പേമാരിയായി
എന്റെ. സ്നേഹം പെയ്തിറക്കാം

ബീഫ്

ഇഷ്ട്ടമാണ് 

എങ്കിലും 

നീ വിലക്കപ്പെട്ടിരിക്കുന്നു 

എന്‍റെ 

തീന്മേശയിലേക്ക്

വര്‍ഗ്ഗിയ കണ്ണുകളെ

കാഴ്ച്ചവെച്ച ഭരണകൂടമേ 

ഇനിയെത്ര...

മനുഷ്യജീവനുകള്‍ നല്ക്കണം 

നിന്റെ കണ്ണുകള്‍ 

ജനാധിപത്യത്തില്‍ 

എത്തുവാന്‍ ?

പുതിയ കാലം

കാലത്തിന്‍റെ
രൂപം വികൃതമാക്കിയ
പുതിയ സമൂഹം
നികൃഷ്ടമായ സംസ്കാരത്തിന്
ജന്മം നല്‍ക്കി.

എല്ലാം
ആഘോഷങ്ങളാണ്
ജനനം മുതല്‍
മരണംവരെ
ഇവന്റെ മാനേജ്മെന്റ് കൈകളില്‍ .

പാല്‍ കുപ്പിയില്‍
നിന്ന് വളര്‍ന്ന
ഒരു സംസ്കാരം
നന്മയെ തേടി അലഞ്ഞ്
അവസാനം ചെന്നെത്തിയത്
വൃദ്ധസദനത്തിന്‍റെ പടിവാതില്‍ക്കല്‍

കാഴ്ചകള്‍
തേടി നടക്കുന്ന
മൊബൈല്‍
കണ്ണുകള്‍ക്ക്
അമ്മയാണോ
അതോ
പെങ്ങളാണോയെന്ന്
തിരിച്ചറിയാത്ത കാലം

ഏത് കാഴ്ചകളും
പുതിയ ലോകത്തിന്‍റെ
ആഘോഷങ്ങളാണ്

പുതിയ കാലത്തിന്‍റെ
പുതിയ സംസ്കാരത്തില്‍
പുതിയ മനുഷ്യനായി
ഞാനും ജീവിക്കുന്നു
നന്മകള്‍ പുനര്‍ജനിക്കുമെന്ന്
പ്രതീക്ഷയോടെ...

കണ്ണീർ

കണ്ണിരിൽ ഒരു കടലായാലും 
അതിനപ്പുറം ഞാനുണ്ടാകും
കുന്നോളം കൂടിവെച്ച 
സ്വപ്‌നങ്ങൾ പങ്കുവെക്കാൻ 

എന്റെ സ്നേഹത്തിൽ 
നിന്റെ ദുഃഖങ്ങൾക്ക് പാർക്കാൻ 
ഇടമില്ല കാരണം 
എല്ലാ ദുഃഖങ്ങളും
എന്റെ സ്നേഹത്തിൽ അലിഞ്ഞുപോയി 

നിന്റെ കിനാവിലെ 
വസന്തമാകനാണ് 
എന്നുമെനിക്ക് ഇഷ്ട്ടം 
അതിലെ ഓരോ വർണ്ണങ്ങളും 
ഞാനും നീയും 

എന്റെ ഹൃദയത്തിൽ 
നിന്നെ കുറിച്ചെഴുതിയ 
വരികൾ വായിക്കുവാൻ 
എന്നാണു നീ വരിക .

നിനക്കുമാത്രമായി 
തുറന്നിട്ടിരിക്കുന്നു 
എന്റെ ഹൃദയത്തിന്റെ 
വാതിലുകൾ

ഓർമ്മ

ഒരുന്നാൾ 
ഞാൻ തനിച്ചാകുമെന്ന് 
എനിക്കറിയാം 
ഓളങ്ങളില്ലാത്ത 
മഹാ സാഗരത്തിൽ
ആലോലമാടിയ 
എൻ ഓർമ്മകളിൽ
നീ ഒരു തിരയായി
എന്നെ സ്പർശിച്ചത്
ഒരു മറവിക്കും
വിട്ടുകൊടുക്കാതെ
പവിഴമുത്തുപോലെ
എന്റെ ഹൃദയത്തിൽ
സൂക്ഷിച്ചുവെച്ചിരിക്കുന്നു

സമൂഹം

ചിലത് കണ്ടും 
ചിലത് കാണാതെയും 

വലിയ ശബ്ദമായി 
പാതിവഴിൽ മൌനമായി 

ആർക്കും വേണ്ടാത്ത 
നിലവിളികൾ 

ഒരു വേദനയായി
പുതിയ ശബ്ദങ്ങൾ

പ്രതിഷേധങ്ങൾക്ക്
ജന്മം നല്ക്കി

സ്വാതന്ത്രത്തെ
നേരിൽ കാണാൻ

അവർ സംഘടിച്ചു
ഒരു ഹൃദയായി

നാളെയുടെ
നന്മക്ക് വേണ്ടി

അവരെ സമൂഹം
വിളിച്ചു ----????

ഇടം

സ്വപ്‌നങ്ങള്‍ പങ്കുവെക്കാന്‍
നല്ലൊരു ഇടം തേടി
സൂര്യാകാശത്തിന് മേലെ ഏഴാകാശം വരെ
പറന്നു പറന്നു പോയി
നന്മയും സ്നേഹവും
ഇത്തിരിപോലുമില്ലാത്ത
കാര്‍മേഘങ്ങള്‍
പ്രതീക്ഷകള്‍നഷ്ട്ടപ്പെട്ട്
ചിറകുകള്‍ ചലിക്കാതെ
നിമിഷങ്ങള്‍പോലും നിമിത്തമായപ്പോള്‍
ദൈവം ഒരുയിടം തന്നു ''സൗഹൃദം ''
ഒരു വീണയില്‍ ഒത്തിരി
രാഗങ്ങള്‍ ,സ്നേഹം ,സന്തോഷം ,നന്മ ,സാന്ത്വനം.